Kjo është arsyeja pse Vuçiqi e urren shumë kryeministrin e ri të Hungarisë
Pse Aleksandar Vuçiq donte me aq zell që Viktor Orban të fitonte përsëri pushtetin në Hungari? Aq shumë, sa ai vetë tha se dëshiron që Orban të fitojë, madje thirri edhe një konferencë për shtyp lidhur me një sulm të pretenduar (disa thonë të sajuar) ndaj një gazsjellësi pranë kufirit serb.
Nëse bie Orbani, një person me prirje diktatoriale, mund të humbasë pushtetin edhe vetë ai, Aleksandar Vuçiqi, sepse trendi është një gjë e rrezikshme. Gjithashtu, do të dalin në dritë edhe aferat e dyshimta të Millorad Dodikut, Vuçiqit dhe Orbanit. Këtu përfshihet edhe mbrojtja e interesave ruse dhe serbe, përkatësisht interesave të Vuçiqit, në Budapest, ky është thelbi i komenteve, shkruan gazeta kroate “Slobodna Dalmacija”.
Por Vuçiqi e urren nga thellësia e shpirtit Peter Magyarin edhe për një arsye.
Fituesi i zgjedhjeve në Hungari, Peter Magyar, vitin e kaluar ka shkuar në Novi Sad për të vendosur lule në nderim të 16 viktimave të shembjes së një strehe në këtë qytet. Me atë rast ai kritikoi hapur regjimin e Aleksandar Vuçiqit, për të cilin shkroi se është mik i afërt dhe partner biznesi i Viktor Orbanit.
Ai atëbotë kishte theksuar se Serbia ka nevojë për një opozitë të fortë dhe të bashkuar, dhe se personalisht mbështet përpjekjet antikorrupsion të popullit serb, si dhe angazhohet për një Serbi në Bashkimin Evropian.
Ky është postimi i plotë i tij në Facebook:
“Në Novi Sad, në Serbi, vendosa lule në shenjë kujtimi për stacionin hekurudhor që u shemb më 1 nëntor. Tragjedia mori 15 jetë, si dhe la një numër të madh të plagosurish”.
(Në atë kohë mjekët ende po luftonin për jetën e një personi, i cili, fatkeqësisht, më vonë ndërroi jetë).
Pas aksidentit u forcua protesta qytetare kundër udhëheqjes shumëvjeçare, të rrënjosur dhe të korruptuar të vendit. Prej muajsh po zhvillohen protesta masive në Beograd, Novi Sad dhe në shumë qytete tjera të mëdha nëpër Serbi.
Një krizë e tillë e thellë politike te fqinji ynë jugor nuk është parë që nga viti 2000 dhe rënia e Sllobodan Milosheviqiti. Edhe pse ai dha dorëheqje nën presionin e protestave, pozicioni i mikut dhe partnerit të biznesit të Orbanit, presidentit të Serbisë, Aleksandar Vuçiq, për momentin duket i qëndrueshëm.
Sipas analistëve, kjo ndodh pikërisht sepse në Serbi nuk ekziston një forcë opozitare e fortë, e bashkuar dhe e gatshme për të marrë pushtetin si Tisza.
Tisza qëndron në krah të përpjekjeve antikorrupsion të popullit serb dhe mbështet hyrjen sa më të shpejtë të Serbisë në Bashkimin Evropian. Gjithashtu, ne mbështesim forcimin e mëtejshëm të të drejtave dhe mundësive të bashkëkombësve tanë, hungarezëve të Vojvodinës, në mënyrë që sa më shumë prej tyre të mund të përparojnë në atdheun e tyre”.
