Vrasja në Skenderaj, shoku i të ndjerit: Më herët pronarët e lokalit kanë pasur konflikt me disa klientë
Vazhdojnë të dalin detaje të reja për vrasjen e mbrëmshme në fshatin Runik të Skenderajt.
Ekipi i gazetës Nacionale sot ka qëndruar në vendin e ngjarjes për të mësuar më shumë për vrasjen dhe plagosjen e disa personave në një lokal të natës.
Deri me tani është njoftuar se i vrari është djali i pronarit të lokalit.
Shoku i këtij të fundit ka pranuar të flas vetëm parapa kamerës, duke mos dashur ta zbuloi identitetin e tij.
Ai ka treguar se pronarët e lokalit para një muaj kanë pasur një mosmarrëveshje me disa klientë.
“Një muaj më parë kanë pasë konflikt këta pronarët e lokalit me disa klientë”, ka thënë për Nacionalen shoku i të ndjerit.
Po ashtu për Nacionalen ka folur edhe njëri nga klientët që ka qenë i pranishëm në lokal në momentin e vrasjes.
Në kushte anonimiteti, ai ka thënë se personi që ka hyrë brenda ka qenë i maskuar dhe ka gjuajtur në drejtimin e të gjithëve. Përderisa një person tjetër ka qenë duke e pritur me maskë.
“Unë jam kanë 4-5 herë në këtë lokal po kurrë sen nuk ka ndodhë. u kanë e pa pritur Unë e kam pa një person i maskum u hy në lokal, ka gju sa ka mujt, në drejtim të gjithëve, jo veç një drejtim, e tjerët klient e kishin pa edhe njo jashtë me maskë tu prit”, tha ai.
