“Superheronjtë” vizitojnë Klinikën e Pediatrisë në Prishtinë

Organizata “Care for Kosovo Kids” në bashkëpunim me Klubin Alpin “Prishtina” kanë zhvilluar një aktivitet në Klinikën e Pediatrisë në Prishtinë.

Disa persona janë veshur si “superheronj”, që janë personazhe të dashur për të gjithë fëmijët, derisa pacientët që janë të shtrirë në Klinikë kanë pasur mundësi t’i shohin ata përmes dritareve.

Fushata “Superheronjtë në Pediatri” ka për qëllim mbledhjen e fondeve për shërimin e fëmijëve, të cilët vuajnë nga sëmundje të ndryshme.