Rrëfimi rrëqethës i babait të 36-vjeçarit që vdiq me gruan në aksident: Më thanë një ndeshje e vogël, para një jave vdiq nana e nuses së tij
Rrëfimi rrëqethës i babait të 36-vjeçarit që vdiq me gruan në aksident: Më thanë një ndeshje e vogël, para një jave vdiq nana e nuses së tij
news image
sinjali fb
Sinjali.com
29 Korrik 2022 15:31
Aksidenti i rëndë në trafik që ndodhi mëngjesin e sotëm në rrugën Prishtinë – Podujevë, u mori jetën dy mërgimtarëve, Shemsedin dhe Mervete Sopaj, që kishin marrë rrugën nga Sllovenia për pushime në vendlindje. Po ashtu të lënduar rëndë mbetën edhe dy fëmijët e tyre të moshave 3 dhe 5 vjeç, raporton Gazeta Sinjali.
Lidhur me ngjarjen e rëndë ka folur babai i të ndjerit, Asllani, i cili ka bërë të ditur se familja tashmë ka hapur dyert për të pame.
“Prej orës 3, ata tjerët janë shku atje, unë kam ndejtë me ta, e s’më kanë kallxu. Dy, tha, janë shku [kanë vdekur] e kush është shku s’kallxojshin”, ka thënë Sopaj.
Babai i Shemsedinit thotë se fillimisht atij iu tha se është bërë një ndeshje e vogël dhe nuk e dinte se ai aksident i kishte marrë jetën djalit dhe rejës së tij.
“Policia na dha lajmin, e Malisheves, dy parë dyer i kem çelur, në mëngjes, edhe ato poshtë edhe këto lart. Ata thanë një ndeshje e vogël u bë ashtu-kështu, pasta me kerr kam shku menjëherë”, thotë ai.
Babai tregon se i biri, Shemsedini, kishte shkuar jashtë vendit para 15 vitesh, në moshë të re. Tregon se gruaja e tij, që po ashtu vdiq në aksident, ishte në Kosovë para një jave.
“Ai që 15 vjet është atje. I ri u shku që 15 vjet. Vjen me kerr vetë me fëmijë. Para një javë, i ka vdek nana të shoqes së tij”, tregonte ai për Express.
