Policia në Pejë kërkon bashkëpunim për kapjen e këtij personi – dyshohet për grabitje
Policia e Kosovës po kërkon bashkëpunimin e qytetarëve për kapjen e një personi i cili dyshohet për veprën penale ‘grabitje’, e cila ka ndodhur me datën 29 mars në Pejë.
Për arrestimin e personit të dyshuar Policia ka shpërndarë edhe fotografinë e tij.
“Sektori Rajonal i Hetimeve DRP Pejё, ёshtё duke zhvilluar hetime intensive pёr kapjen e personit tё dyshuar pёr veprën penale” Grabitje” tё ndodhur me datё 29.03.2024 nё Pejё.
Nga kamerat e sigurisё ёshtё siguruar fotografi e personit tё dyshuar mirëpo deri me tani nuk ёshtё bёrё identifikimi i tij.
Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personit të dyshuar në foton e bashkangjitur, të lajmërojë Policinë e Kosovës apo të lajmërohet në stacionin më të afërt policor”, thuhet në njoftim.
