“Nga drita në terr”, Haxhiu tregon orarin e reduktimeve për muajt në vijim!
Deputeti i Kuvendit të Kosovës nga radhët e PDK Bekim Haxhiu, ka reaguar pas nisjes së reduktimeve të energjisë elektrike në vend, duke ironizuar me Qeverinë Kurti për ndryshimin e krijuar me ardhjen e tyre.
Sipas Haxhiut, Kurti në opozitë ka premtuar ulje të çmimit të energjisë elektrike dhe nacionalizim të KEDS-it, “tani në Qeveri po na ofron shtrenjtim të energjisë elektrike dhe reduktime”, u shpreh ai.
“Ky është ndryshimi i premtuar në të mirë të mirëqenies së qytetarëve, nga drita në terr”, tha Haxhiu, përmes një reagimi në profilin e tij në Facebook ku bëri të ditur reduktimet edhe për muajt në vijim.
Më poshtë reagimi i plotë:
“Strategjia” e Qeverisë Kurti për krizën energjetike:
Reduktimet e energjisë fillojnë për muajt në vijim me këtë orar:
Gusht – 6 me 2,
Shtator – 4 me 2,
Tetor – 2 me 2,
Nëntor – 2 me 4,
Dhjetor – 2 me 6,
Janar – 2 me 8…!!!
Pas reduktimeve, Albin Kurti duhet ta mbajë premtimin për nacionalizim të KEDS-it.
P.S.
Albin Kurti në opozitë ka premtuar ulje të çmimit të energjisë elektrike dhe nacionalizim të KEDS-it, tani në Qeveri po na ofron shtrenjtim të energjisë elektrike dhe reduktime.
Ky është ndryshimi i premtuar në të mirë të mirëqenies së qytetarëve, nga drita në terr.
