Ky është fermeri nga Ferizaj i cili dyshohet se përfitoi jashtëligjshëm mijëra euro

Policia e Kosovës ka arrestuar një të dyshuar në Prishtinë lidhur me dyshimet për keqpërdorime me subvencione.

Paparaci nga burimet nga mësuar se personi i arrestuar është Xhevat Uka fermer nga Ferizaj.

Sipas njoftimit të policisë të enjten, dyshohet se i arrestuari ka përfituar subvencion në vlerë prej dhjetëra e mijëra euro në vitin 2020, duke paraqitur dëshmi dhe të dhëna të rreme.

Policia tha se ka siguruar prova dhe dëshmi se i dyshuari ka kryer veprën e lartcekur.

“Pas intervistimit, sot me datë 08.09.2022, i dyshuari me vendim të Prokurorit kompetent ndalohet për 48 orë për procedurë të mëtejme ligjore”, thuhet në njoftimin e PK-së.