Kush ishin mjekët “fatlumë” që e dinin orën e pavarësisë?

Përgatitja qe e veçantë, njashtu si simbolika e ditës për të cilën bëhej. Por, jo të gjithë që u përfshinë e dinin saktë pse po ndodhte gjithë ky organizim i jashtëzakonshëm.

Të informuar ishin vetëm disa nga udhëheqsit e klinikave në QKUK, e cila u mobilizua më 16 shkurt, në mënyrë që më 17 të ishte krejt gati, në rast se shpallja e pavarësisë, e planifikuar për këtë ditë, do të rezultonte me punë shtesë për punëtorët e shëndetësisë.

Megjithatë në ditën kur Kosova u bë Republika më e re në botë, QKUK-ja pati më pak të hospitalizuar se zakonisht.