Gjilanasi i bërtet nënës, “han” 48 orë burg

Një 27 vjeçar gjilanas është arrestuar të hënën pasdite.

Kjo pasi ai kishte ushtruar dhunë psikologjike ndaj nënës së tij, e cila banon në rrugën ‘7 shtatori’ në Gjilan.

Ai pati mosmarrëveshje me të ëmën  dhe i bërtiti e kanosi të ëmën e tij me pretekstin se e njëjta nuk po ia plotëson kërkesat.

E ndier e rrezikuar nga i biri, gruaja që jeton këtu në rrugën ‘7 shtatori’, kërkoi ndihmë nga Policia e Kosovës.

Forcat e rendit prangosën P.M i cili edhe kishte demoluar me një mjet të mprehtë disa orendi shtëpiake përfshirë perdet dhe televizorin.

Para kësaj i riu ishte intervistuar në stacionin policor, në prani edhe të avokatit mbrojtës.