Dy gra vjedhin në një market, Policia kërkon ndihmën e qytetarëve për identifikimin e tyre

Policia e Kosovës ka kërkuar ndihmën e qytetarëve për identifikimin e dy personave që dyshohen se kanë kryer një vjedhje, në një market në Prishtinë.

“Personat e dyshuar kërkohen për përfshirje në një rast, Vjedhje, që ka ndodhur me datën 01.04.2023, në një market në Prishtinë”, thuhet në shkrimin e policisë në Facebook.

Njoftimi i plotë:

Njësiti i hetimeve të stacionit policor Qendra në Prishtinë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e personave që shihen në fotografi.

Personat e dyshuar kërkohen për përfshirje në një rast, Vjedhje, që ka ndodhur me datën 01.04.2023, në një market në Prishtinë.

Të nderuar, për çdo informatë që mund të çojë në identifikimin e personave apo vendodhjes së tyre, kontaktoni policinë në numrin e telefonit: 192.