Detaje të reja: Punëtori i RTK-së dyshohet se ia theu hundën kamerierit pasi ia vonoi kafenë

ndodhi në bufenë e RTK-së, që dyshohet se eskaloi pas një mosmarrëveshje momentale mes një punëtori të televizionit dhe një kamerieri. Rasti është konfirmuar edhe nga Policia tashmë, ndërkohë që është zbuluar se kush është i dyshuari.

Siç mëson Sinjali, i dyshuari që u përfshi në rrahje është Mirsad Bajraktari, inxhinier i Teknikës, ndaj të cilit është urdhëruar masa e ndalimit policor.

Bajraktari po dyshohet se u kap me viktimën duke e akuzuar se ia kishte vonuar porosinë (një kafe) dhe aty ka nisur përleshja brutale, ku për pasojë i ka shkaktuar frakturë në hundë.

Nga Policia e kanë konfirmuar incidentin për Sinjalin dhe kanë bërë me dije se i lënduari është dërguar për trajtim mjekësor.

“Sot rreth orës 19:30, kemi pranuar informatën për një rrahje në një bufe në rrugën Xhemajl Prishtina, ku kanë qenë të përfshirë dy persona. Lidhur me këtë rast në cilësinë e personit të dyshuar nga ana e policisë po intervistohet  një person, ndërkohë që personi i lënduar është dërguar për tretman mjekësor. Pas përfundimit të intervistimit me vendim të prokurorit të shtetit personi i dyshuar dërgohet në qendrën e mbajtjes për 48h” – thuhet në përgjigjen e Policisë për Sinjalin.