Aksident i rëndë në Skënderaj, 6 persona dërgohen në Spitalin e Mitrovicës
Një aksident trafiku me të lënduar ka ndodhur sot rreth orës 15:00 në rrugën rajonale Skenderaj–Klinë, në segmentin që kalon nëpër fshatin Rakinicë.
Zëdhënësi i Policisë për rajonin e Mitrovicës, Avni Zahiti, ka bërë të ditur për “Jepi zë” se në aksident janë përfshirë dy automjete.
Si pasojë e përplasjes, gjashtë persona kanë pësuar lëndime trupore dhe janë dërguar për trajtim mjekësor.
Njësitet përkatëse të Policisë kanë dalë në vendin e ngjarjes dhe po zhvillojnë hetime për të sqaruar rrethanat e aksidentit.
