“Po tutna mos po i thojnë kujt myte”, motra e vëllai frikësohen për jetën e Rrahman Jasharajt

Familja e kreut të SBASHK-ut, Rrahman Jasharajt, janë të shqetësuar për sigurinë e tij.

Këtë frikë, motrës së tij , Zenije Jasharaj-Rugovës ia shkaktuan reagimet e fundit kundër kryesindikalistit të arsimit, që ka organizuar grevë që nga 25 gushti.

Kjo ndjenjë e familjes Jasharaj u shtua nga sulmi që ndaj Rrahmanit ndodhi ditë më parë në një shkollë të Prishtinës.

Në kësi rrethana acaruese, këta duan një takim mes kreut të sindikatës e kryeministrit Albin Kurti.

Me këtë të fundit kanë edhe një histori, meqë Ukshin Jasharaj thotë se me vëllanë Rrahmanin e kishin shpëtuar nga një arrestim në Pejë.

E motra ka edhe një porosi për Rrahman Jasharajn, që ta ruajë veten.