Aksident i rëndë në Gjakovë, dy vetura ndeshen mes vete

Numri i madh i aksidenteve në trafik po vazhdon të jetë shqetësues. Çdo ditë raportohet për aksidente të shumta në komunikacion dhe në të shumtën e rasteve shkaktohen si pasojë e pakujdesisë së shoferëve gjatë vozitjes, duke rrezikuar kështu jetën e tyre dhe të pjesëmarrësve tjerë në trafik.

Një aksident i rëndë trafiku ka ndodhur edhe sot rreth orës 17:40 në rrugën ‘Beqir Kastrati’ në qytetin e Gjakovës.

Sinjalizuesit e Gazetës Sinjali kanë dërguar pamje nga vendi i ngjarjes, ku shihet se dy vetura janë përplasur mes vete dhe si pasojë janë shkaktuar dëme të mëdha materiale.

Momentalisht nuk dihet nëse ka persona të lënduar.

Sinjali ka kontaktuar edhe Policinë e Kosovës në Gjakovë për të marrë më shumë informacione lidhur me rastin, mirëpo të njëjtit ende nuk kanë kthyer përgjigje.