26 vjeçari Skenderaj paraqitet vullnetarisht në Stacionin policor për dy raste që kishte, dërgohet për vuajtje dënimi në Hajvali

Më 13 qershor 2025, rreth orës 15:00, në Stacionin Policor në Skenderaj është paraqitur vullnetarisht i dyshuari A. A, rreth 26-vjeçar, ndaj të cilit kanë qenë aktive dy urdhëresa të lëshuara nga autoritetet gjyqësore.

Sipas informatave , urdhëresa e parë parasheh vuajtjen e një dënimi prej 15 ditësh, ndërsa e dyta një dënim prej 12 ditësh, duke e çuar në 27 ditë kohëzgjatjen totale të burgut efektiv për të dy rastet.

Pas verifikimit të dokumentacionit përkatës, i dyshuari është shoqëruar nga patrulla policore në Qendrën e Vuajtjes së Dënimit në Hajvali, Prishtinë, për të ekzekutuar vendimin gjyqësor.