Aksident i rëndë trafiku te Ura e Badocit, njësitet policore në vendin e ngjarjes
Një aksident i rëndë trafiku ka ndodhur para disa minutash te Ura e Badocit.
Për momentin nuk dihet nëse si pasojë e këtij aksidenti ka edhe persona të lënduar.
Në vendin e ngjarjes tashmë kanë arritur njësitet policore të cilët kanë ndërmarrë veprimet e nevojshme në lidhje me rastin.
Sipas pamjeve nga vendi i ngjarjes, shihet një veturë e cila ka pësuar dëme të konsiderueshme materiale, ndërsa shihet edhe një autobus, mirëpo nuk dihet nëse është i përfshirë në aksident.
