U fjalos në një lokal, burri nga Prizreni shkon dhe ia ther me thikë vëllain

Një përleshje mes dy personave ka ndodhur mbrëmë pas mesnate në një lokal në Prizren, që eskaloi në përdorimin e thikës dhe për pasojë u ther një 42-vjeçar.

Për pasojë ai është dërguar në spital, ndërsa i dyshuari u identifikua dhe u prangos.

Burimet e Sinjalit brenda Emergjencës së spitalit kanë bërë të ditur se i dyshuari ishte kapur fillimisht me vëllain e viktimës në një lokal dhe më pas konflikti ka vazhduar, kur i dyshuari i ka shkruar në shtëpi në fshatin Atmaxhë, ku e ka sulmuar me thikë viktimën.

Për shkak të plagëve të rënda, ai është dërguar në spitalin rajonal për trajtim mjekësor, teksa Policia e ka arrestuar dhe shoqëruar në stacion policor të dyshuarin H.Sh. Me rastin e kontrollit policor, atij i është gjetur mjeti i mprehtë, që dyshohet se u përdor në rast.

Me vendim të Prokurorit të Shtetit, pas intevristimit, atij i është caktuar masa e ndalimit për 48 orë dhe ndaj tij kanë nisur hetimet për veprën lëndim i rëndë trupor.