Raketat godasin një shkollë në Gaza ku ishin strehuar mbi 225 persona

Një shkollë në Rripin e Gazës ku 225 njerëz ishin strehuar nga sulmet, është goditur drejtpërdrejt, tha në një deklaratë të dielën agjencia e refugjatëve palestineze e OKB-së.

Askush nuk u lëndua, por ndërtesa u dëmtua ndjeshëm, tha Agjencia e OKB-së për Ndihmë dhe Punë (UNRWA).

Agjencia shtoi se aktualisht po strehonte 73,538 persona të zhvendosur në 64 shkolla në të gjithë enklavën palestineze.