Protestuesit në Prishtinë ia vënë “flakën” Qeverisë

Qindra protestues po e vazhdojnë protestën para Qeverisë, duke ia vënë “flakën” objektit.

Protesta është organizuar pas vrasjes së 35-vjeçares, në oborrin e Klinikës së Gjinekologjisë.

Në protestën e nisur në sheshin “Zahir Pajaziti”, u panë qindra qytetarë me thirrjet, “Vrasjet e grave janë vrasje të paralajmëruara”, “Drejtësi, jo poezi”, “Kryeministër, armiku është patriarkati”, “Historinë e Kosovës po e shkruani me gjak të grave”.

Protesta u thirr nga Kolektivi për Mendim dhe Veprim Feminist, në sheshin “Zahir Pajaziti” në Prishtinë.