Parashikimi i motit për sot dhe ditëve në vijim

Sot pritet të kemi ndryshim gradual të motit. Parashihet të kemi mot me diell dhe shtim të vranësirave. Pasdite vonë dhe në mbrëmje priten zhvillime të fuqishme vranësirash duke përfshirë edhe ato konvektive që do të kushtëzojnë rrebeshe lokale shiu me vetëtima dhe bubullimë. Gjatë mbrëmjes lokalisht priten rrebeshe intensive sidomos në Dukagjin, Drenicë, Mitrovicë, Llap dhe rajonin e Prishtinës.

Në Shqipëri dhe Mal të Zi pritet të mbajë mot me intervale kohore me diell dhe shtim të madh të vranësirave që do të fillojnë të dendësohen në Mal të Zi duke kushtëzuar rrebeshe të fuqishme shiu me vetëtima dhe bubullimë. Rrebeshe dhe stuhi të fuqishme shiu pastaj parashihen edhe në veri të Shqipërisë e më vonë edhe në disa pjesë tjera të Shqipërisë.

Në Maqedoninë Veriore dhe Luginën e Preshevës nesër pritet të mbajë mot me diell dhe vranësira, ndërsa rrallëkund priten rrebeshe shiu.

Ditëve të ardhshme na pret mot mjaft i ndryshueshëm. Parashihen intervale kohore me diell dhe vranësira të shpeshta si dhe do të shpeshtohen edhe reshjet e shiut./METEOBALLKAN