Një suedez merr me rent një BMW e një Porsche në aeroportin e Prishtinës, zhduket me dy veturat në vlerë 140 mijë euro
Dy shtetas suedez të cilët kishin marrë dy vetura me qera në një “rent a car” në Aeroportin Ndërkombëtar të Prishtinës “Adem Jashar”, nuk i kanë kthyer me.
Lajmin për IndeksOnline e ka konfirmuar Ardi Hysyqi nga “Rent a car Mara”.
Ai ka thënë se me datën 26 tetor e kanë marrë veturën e tipit Porsche, dhe pas dy dite edhe BMW-në, të dyja të prodhuara në vitin 2022.
Po ashtu rasti është lajmëruar në polici, por deri me tani ende nuk ka informacion për vendndodhjen e tyre.
Kompania në fjalë ka provuar t’i kontaktojë në telefon, por thonë se numrat i kanë bllokuar.
Sipas kompanisë, vlera e Porsche-s është 87 mijë euro dhe rreth 50 mijë euro ka kushtuar BMW-ja.
