Nga muaji Gusht mund të aplikojnë për pagesa edhe fëmijët e lindur në vitin 2013
Ministri i Financave Hekuran Murati, ka njoftuar se nga muaji Gusht do të hapet aplikimi për shtesa për fëmijë edhe për ata që kanë lindur në vitin 2013.
Ai ka thënë se ngjashëm do të veprohet deri në përmbushjen e plotë të premtimit për të përfshirë të gjithë fëmijët e Republikës deri në moshën 16 vjeçare në skemën e shtesave për fëmijë.
“Janë 164,388 fëmijë e 19,753 lehona që kanë pranuar shtesa që nga shtatori i vitit të kaluar e deri më sot. I patëm premtuar e po i paguajmë çdo muaj”, ka thënë Murati.
Më poshtë mund ta gjeni njoftimin e plotë:
Janë 164,388 fëmijë e 19,753 lehona që kanë pranuar shtesa që nga shtatori i vitit të kaluar e deri më sot. I patëm premtuar e po i paguajmë çdo muaj.
Vetëm këtë muaj kemi 10,853 fëmijë që i janë shtuar skemës së shtesave për fëmijë e 1,992 gra skemës së shtesave për lehonat.
Të hënën Ministria e Financave, Punës dhe Transfereve do të realizojë pagesat për këto dy skema.
Në muajin gusht do të hapim aplikimin për shtesat për fëmijë edhe për një gjeneratë, për të gjithë fëmijët që kanë lindur në vitin 2013.
Kështu do të vazhdojmë deri në përmbushjen e plotë të premtimit për të përfshirë të gjithë fëmijët e Republikës deri në moshën 16 vjeçare në skemën e shtesave për fëmijë.
