Në Prishtinë po “lulëzon” prostitucioni, 5 persona të arrestuar

Pesë persona janë arrestuar nga Policia e Kosovës në dy raste të ndara për marrje me prostitucion në Prishtinë.

Në njërin rast, Policia ka arrestuar tre të dyshuar, dy gra dhe një burrë dje rreth orës 12:00.

Me vendim të prokurorit pas intervistimit të dyshuarit janë liruar ne procedurë të rregullt, ka njoftuar Policia.

Ndërsa, mbrëmë rreth orës 22:00 janë arrestuar një burrë dhe një grua për mundësim apo detyrim në prostitucion.

Policia ka njoftuar se me vendim të prokurorit, të dyshuarit pas intervistimit janë dërguar në mbajtje.