Konflikt familjar në Prishtinë, 22-vjeçari kërcënon vëllain e tij – përfundon në Polici

Konfliktet në familjet kosovare për motive shpesh edhe banale, janë raste që jo rrallëherë përfundojnë edhe në Polici. Prindër, motra e vëllezër kërkojnë ndihmën e organeve të rendit për t’i zgjidhur problemet që lindin mes tyre dhe për pasojë eskalojnë në sharje, ofendime e kërcënime, raporton Gazeta Sinjali.

Një rast i tillë ka ndodhur në një familje në Matiqan të Prishtinës, ku një person dyshohet se ka kërcënuar vëllain e tij.

Burimet e Gazetës Sinjali brenda Prokurorisë kanë bërë me dije se një 22-vjeçar po dyshohet se e ka kanosur vëllain e tij, pas një mosmarrëveshje dhe për pasojë viktima është detyruar të raportojë rastin në Polici.

Si rezultat i denoncimit, njësitë policore kanë arritur që ta arrestojnë të dyshuarin dhe i njëjti është shoqëruar në stacion policor për intervistim.

Pas përfundimit të procedurave policore, Prokurori i Shtetit ka nxjerrë aktvendim që i dyshuari të hetohet për kryerjen e veprës penale ‘Dhunë në familje’.