Gjyqtaret shqiptare gjykojnë ndeshjen Sporting – Real Madrid në UEFA Champions League

Katër gjyqtare shqiptare janë përzgjedhur për ndeshjen e UEFA Champions League për femra mes Sportingut të Lisbonës dhe Real Madridit.

Bëhet fjalë për gjyqtaren kryesore, Emanuela Rusta, dhe treshja e saj, Erinda Kume, Mirjeta Salla dhe Eglantina Pjetrushaj, shkruan Indeksonline

Kjo nuk është hera e parë që gjyqtaret shqiptare ndajnë drejtësinë në ndonjë ndeshje të madhe në garat e UEFA-s.

Ndeshja midis Sportingut dhe Real Madridit në Ligën e Kampionëve zhvillohet më datën 19 shtator (e enjte).