E dhimbshme: Ky është 31-vjeçari që u gjet i vdekur në banesën e tij në Prizren

Një ngjarje e rëndë ka ndodhur të hënën në Prizren, ku një person, i cili jetonte i vetëm, është gjetur pa shenja jete në banesën e tij dhe nuk dihen rrethanat në të cilat ka vdekur. Lidhur me rastin, Policia tashmë ka nisur hetimet për rastin.

Burimet brenda Emergjencës kanë bërë me dije për Sinjalin se personi që u i gjet i vdekur është Ramë Kryeziu, 31-vjeçar.

Vdekjen e të ndjerit e ka konfirmuar ekipi mjekësor që intervenoi në vendin e ngjarjes.

Pas ekzaminimeve për shenja vitale, mjeku konstatoi se viktima ishte pa shenja jete dhe më pas trupi është tërhequr për t’u dërguar në IML për obduksion.

Lajmin e ka konfirmuar Policia e Kosovës, me ç’rast është bërë e ditur se rasti është cilësuar si ‘Hetim i vdekjes’.

“Një mashkull kosovar është gjetur pa shenja jete në banesë ku jetonte i vetëm. Me vendim të prokurorit trupi i pajetë është dërguar në obduksion.”