Djali i Fadil Fazliut: Babai ndodhet në zyret e EULEX-it, pritet të dërgohet në Hagë

Sot nga Specialja është arrestuar Fadil Fazliu, vëllai i heronjve Fazli e Bahri Fazliu.

Pas arrestimit të tij, në një prononcim për media ka folur djali i tij, Fahri Fazliu.

“Sot rreth orës 8 të mëngjesit te banesa e tij në Kodër të Diellit ku edhe është bastisur para një viti, është arrestuar me 3-4 kerre të forcave të EULEX-it me urdhër të Dhomave të Specializuara Fadil Fazliu, babai im. Përndryshe Fadili ka qenë pjesë e UÇK-së, është vëllai i heronjve Fazli dhe Bahri Fazliu”, tha ai.

Ai shtoi se Fadil Fazliu ka qenë vetëm duke shkuar në punë dhe se me të s’ka qenë askush.

“Ai ndodhet në zyret e EULEX-it, pritet të dërgohet në Hagë”, derisa shtoi se nuk i është thënë arsyeja.

Ai tha se tashmë e kanë konsultuar avokatin Skënder Musa.