“Dëshira ime është të takohemi në Çyçavicë dhe jo në Perëndim”, ia kthen selamin Adem Jashari, shokut të tij
Komandanti Legjendar Adem Jashari, shihet në një video të realizuar gjatë vitit 1995 duke i dërguar selam shokëve të tij të cilët kishin shkuar në Perëndim dhe Shqipëri.
“Të fala i bëj dhe unë, një farë Idriz Krasmirofcit e kam pas shoq, qato fjalë që mi ka çu mua po dua me ja kthye ndryshe se i kam thënë në Çyçavicë zatetemi dhe jo atje ku ka thënë ai, dëshira jem është në Çyçavicë me taku me të se jo në Shqipëri e Perëndim atje të fala ka dhe ai ja uroj vitin e ri edhe atij”.
Më tutje heroi i kombit në vitin 1995 kishte thënë që “dëshira ime, është që sa ma shpejt me qenë në Kosovë shumë era kanë kaluar por lisit rrënjët nuk kanë mundur me ja shkul”.
Kjo video e komandantit legjendar, Adem Jasharit, është sjell nga Shefqet Llapashtica.
