Buzhala i reagon Hoxhës: Une jam kosovarist o m**, jam shqiptar kosovarist
Gazetari Berat Buzhala ka reaguar ashpër pas deklaratave fyese e të ulëta nga këshilltari i kryeministrit Kurti, Elvis Hoxha, i cili në tentativën e tij për të njollosur Rrahman Jasharajn, ofendoi edhe popullin e Kosovës duke i quajtur “kosovaristë”.
Hoxha është kryqëzuar në rrjete sociale pas fjalëve denigruese në adresë të Jasharajt, pasi që quajti kreun e SBASHK’ut “anëtar të partisë serbe”.
Madje, këshilltari i Kurtit shpresonte se nuk do të shpallej non-grata nga “kosovaristët”, fjalë kjo që ka qenë e papranueshme për një pjesë të madhe të publikut, përfshirë Berat Buzhalën.
“Une jam KOSOVARIST o mut, jam shqiptar kosovarist”, shkroi Buzhala.
Pastaj pati edhe një pyetje për Elvis Hoxhën.
“Ti cka je? Ti nuk je as shqiptar e as kosovar. Ti nuk je kurrkushi”, përfundon postimi i Buzhalës.
Hoxha u detyra të kërkonte falje më pas, pas rrenës që e lëshoi për Jasharajn, duke e quajtur “lajm të paqëndrueshëm”.
