Arrestohet një person, dyshohet se e kanosi dhe tentoi ta godiste me shkop druri babanë

Policia e Kosovës (PK) njofton se është arrestuar një person në Podujevë, nën dyshimin se e ka kanosur dhe ka tentuar ta godiste me shkop druri babanë e tij.

Lajmi u bë i ditur përmes raportit 24 orësh të Policisë, ku thuhet se rasti ka ndodhur të shtunën, rreth orës 18:00, raporton “Betimi për Drejtësi“.

“Është arrestuar i dyshuari mashkull kosovar pasi ai ka kanosur dhe ka tentuar ta godas me shkop druri babain e tij  kosovar. Viktima nuk ka pranuar tretman mjekësor”, thuhet në njoftim.

Policia bën të ditur se me vendim të prokurorit, i dyshuari është dërguar në mbajtje.