Aksioni i Antidrogës në Prizren, kapen rreth 60 kg marihuanë, arrestohen katër persona

Gazeta Sinjali gjatë ditës së sotme raportoi për një aksion të antidrogës në Prizren, ku u sekuestrua një sasi e konsiderueshme e drogës dhe pati edhe të arrestuar.

Siç mësoi Sinjali, njësia e Antidrogës në hyrje-dalje të Autostradës në Prizren ndaloi një veturë të dyshimtë, nga ku iu gjet më pas substancë narkotike e llojit marihuanë.

Sinjali ka zbuluar se në këtë aksion janë sekuestruar rreth 60 kilogramë marihuanë, teksa Policia ka arrestuar katër persona për këtë rast.