Aksident tragjik në rrugën Kaçanik-Ferizaj, një i vdekur e pesë të lënduar

Një aksident i rëndë ka ndodhur këtë të premte në rrugën Kaçanik-Ferizaj, ku një person ka mbetur i vdekur dhe janë lënduar pesë të tjerë.

Siç njofton major i Policisë së Kosovës në rajonin e Ferizajt, Qazim Reka për Gazetën Sinjali, në këtë aksident janë përfshirë tri vetura teksa ngjarja ka ndodhur rreth orës 21:00.

“Aksidenti ka ndodhur rreth orës 21:10. Në aksident janë përfshirë tri njësi. Nga ky aksident ka mbetur i vdekur një person, ndërsa janë lënduar pesë të tjerë”, ka thënë Reka.