Qytetarët në hall me 2 eurot false, dalin pamjet e shabllonëve se si po krijohen ato

Trendi i parave të falsifikuara nuk ka të ndalur, madje kohëve të fundit në Kosovë ky trend është në rritje sa që ka alarmuar gjithë qytetarët që po e shohin si shqetësim këtë dukuri, pasi po hasin vështirësi në manovrimin me to.

Monedha më lehtë e manipulueshme për t’u krijuar është ajo 2 euro, ku tashmë veç se e ka pushtuar çdo treg në vend.

Videot që po qarkullojnë në rrjetin social ‘Telegram’, tregojnë se si kjo monedhë po krijohet dhe cila është metoda për prodhimin e saj.

Pamjet tregojnë shablloni për prodhimi e monedhës 2 euro që tashmë ka pushtuar tregun tonë, nuk duket ndonjë metodë e sostifkuar, por mjaftushëm që ajo t’i ngjasojë origjinalit.

Kujtojmë se falsifikimi i parasë është vepër penale dhe sanksionohet sipas Kodit Penal të Republikës së Kosovës. Kushdo që prodhon para të falsifikuara me qëllim për t’i vënë në qarkullim si të vërteta, dënohet me burgim prej një deri në dhjetë vjet.