Haxhiu propozon kthimin e dënimit me vdekje: Unë them se PO

Deputeti i Kuvendit të Kosovës nga radhët e Partisë Demokratike të Kosovës, Bekim Haxhiu, është shprehur pro zbatimit të dënimit me vdekje, pas raportimeve për dhunimin e një 11-vjeçareje.

Kamishi e ka bërë një pyetje në mënyrë retorike, të cilës i është përgjigjur vetë ai.

“Pas rastit makabër ndaj vajzës 11 vjeçare. Pytja është: A duhet të kthehet dënimi me vdekje? Unë them se PO”, ka shkruar Haxhiu.

Sipas Haxhiut, edukimi dhe emancipimi i fëmijëve pa dallim gjinie në familje e në shkolla, është baza e një shoqërie të shëndoshë.