Flet pronari i autosallonit “Betimi”, që mbrëmë iu dogjën shumë vetura luksoze
Pronarit të një salloni për shitblerjen e veturave në Vushtrri, mbrëmjen e së shtunës i është shkaktuar një dëm i madh material.
Disa vetura janë djegur tërësisht ndërsa fatmirësisht, nuk është lënduar askush.
Auto-salloni “Betimi” në Vushtrri ishte cak i zjarrit për të cilin Policia ka nisur hetimet për të zbuluar shkaktarin e zjarrit si dhe për të rënë në gjurmët e të dyshuarit.
Rastin e ka konfirmuar zëdhënësi i Policisë për Mitrovicën e Jugut, Avni Zahiti.
“Kanë nisur hetimet lidhur me incidentet e zjarrit, dhe deri tani rasti është inicu dhe po hetohet si zjarrvënie. Hetimet janë duke vazhduar, të shohim se a po del ndonjë element për identifikimin e personit që ka shkaktuar zjarrin”, tha Zahiti.
Ndërsa, nga auto-salloni “Betimi” kanë thënë për Sinjalin se dyshojnë që është zjarrvënie e qëllimshme.
“Pamja osht qashtu qysh e keni pa krejt, Zjarri ka qenë i qëllimshëm nga najkush por s’pe dijmë se kush. Policia ka ardhë në vendngjarje”, u shprehën nga ky auto-sallon.
