Nis hetimi ndaj policëve që morën pjesën në aksionin e djeshëm në veri
Inspektori policor i Kosovës ka themeluar ekip të veçantë për të monitoruar reagimin e policëve kosovarë në veri të vendit.
Kështu ka bërë të ditur vet Inspektorati përmes një komunikate dërguar mediave, vetëm para pak çastesh.
Tutje, bëhet e ditur se IPK varësisht nga gjetjet, do t’i adresojë çështjet e ngritura, gjithmonë nëse do të ketë të tilla.
Kështu ka bërë të ditur vet Inspektorati përmes një komunikate dërguar mediave, vetëm para pak çastesh.
Tutje, bëhet e ditur se IPK varësisht nga gjetjet, do t’i adresojë çështjet e ngritura, gjithmonë nëse do të ketë të tilla.
“Bazuar në mandatin ligjor sipas detyrës zyrtare dhe në koordinim me Ministrin e Punëve të Brendshme, IPK ka krijuar një Ekip të përbashkët (inspektor/hetues) për të vlerësuar veprimet policore gjatë operacionit policor të ditës së djeshme në tre komunat veriore të vendit (Leposaviq, Zveçan dhe Zubin Potok).
Qëllimi i punës së këtij Ekipi është që të sigurojmë që Policia e Kosovës ka kryer detyrat konform standardeve dhe autorizimeve kushtetuese e ligjore, drejt krijimit të një mjedisi të sigurt për qytetarët pa dallim. Po ashtu, Ekipi synon të identifikojë nëse gjatë këtij operacioni ka pasur tejkalim të autorizimeve policore.
IPK siguron se varësisht nga gjetjet e punës së këtij Ekipi, konform autorizimeve ligjore dhe në koordinim me Policinë e Kosovës dhe Prokurorin e Shtetit do të adresojë çështjet e ngritura.
IPK do të mbajë të informuar opinionin publik me rezultatet e punës së këtij Ekipi”, thuhet ndër tjerash në njoftim.
