Del foto nga takimi Kurti -Erdogan, në një pallat në Stamboll

Kryeministri Albin Kurti u prit sot në Stamboll nga Presidenti turk, Rexhep Taip Erdogan nga ku edhe ka dalë fotoja ku dy liderët shihen duke shtrënguar duart.

Në takimin në Pallatin “Vahdettin” në Stamboll, Erdogan dhe Kurti do të shqyrtojnë aspekte të ndryshme të marrëdhënieve midis Truqisë dhe Kosovës dhe hapat e mundshëm që do të rrisin më tej bashkëpunimin dypalësh, raporton agjencia turke e lajmeve “Anadolu”.

Në agjendë do të jenë edhe pikëpamjet për çështjet rajonale dhe ndërkombëtare, në veçanti për Ballkanin.

Më pas, Erdogan dhe Kurti do të mbajnë një konferencë të përbashkët për media.