Sot në Xhaminë Qendërore u përfundua betonimi i pllakës themeltare: Ndërtimi po vazhdon me ritëm të shpejtë

Vazhdon dinamika e punimeve në ndërtimin e xhamisë qendrore në Prishtinë, e cila do të ketë kapacitet për afër 14 mijë persona.

Sot në kantierin e Xhamisë Qendërore në Prishtinë ka përfunduar betonimi i pllakës themeltare, përcjell Jepi zë.

Pas një zvarritje 10-vjeçare, në qershor të këtij viti, komuna e Prishtinës lëshoi lejen ndërtimore për ndërtimin e objektit të Xhamisë në lagjen Ulpiana në Prishtinë.

Sipas planeve, xhamia pritet të ndërtohet brenda tri vjetëve nga Konsorciumi i dy kompanive Bashkimi Projekt dhe Trio Construction .