Beton Retkoceri bëhet atashe i mbrojtjes së Kosovës në Japoni
Nënkoloneli Beton Retkoceri është bërë Atashe i Mbrojtjes i Kosovës në Japoni.
Ambasada e Kosovës në Japoni ka bërë të ditur se Retkoceri ka marrë zyrtarisht detyrën.
“Ky emërim përkon me 16-vjetorin e marrëdhënieve diplomatike ndërmjet Republikës së Kosovës dhe Japonisë dhe shënon një moment të rëndësishëm në partneritetin tonë ndërshtetëror”, thuhet në njoftimin e ambasadës.
Ndërsa, ambasadori Sabri Kiçmari ka bërë të ditur se Retkoceri është atasheu i parë i mbrojtjes i Kosovës në Japoni.
