E dhimbshme: Ndahet nga jeta specialistja e Pediatrisë, Dr. Florije Krasniqi – u përball me një sëmundje të rëndë
Pas përballjes me një sëmundje të rëndë, në moshën 66-vjeçare, dje është ndarë nga jeta specialistja e Pediatrisë, Dr. Florije Krasniqi, raporton Gazeta Sinjali.
E ndjera ishte përballur me një sëmundje të rëndë gjatë katër viteve të fundit.
Lajmin për vdekjen e saj e kanë bërë të ditur familjarët përmes njoftimit në rrjetin social Facebook.
Ata kanë njoftuar se varrimi i saj do të bëhet sot, në varrezat e Prishtinës, në ora 16:00.
- “Me pikëllim të thellë i njoftojmë të gjithë familjarët, farefisin, miqtë, shokët, koleget dhe dashamirët se me 22 prill 2025, në moshën 66 vjeçare, pas një sëmundje të rëndë, gati 4 vjeçare, vdiq nëna, bashkëshortja, gjyshja, motra, tezja, halla, mbesa, kunata dhe kushërira jonë”, thuhet mes tjerash në njoftim.
