Aksident i rëndë në Ferizaj, vetura godet për vdekje këmbësorin

Një aksident me fatalitet ka ndodhur të hënën pasdite në fshatin Prelez i Muhaxherëve në Ferizaj, ku u godit për vdekje një këmbësor, raporton Gazeta Sinjali.

Viktima u përplas nga vetura në lëvizje dhe fatkeqësisht nuk arriti t’iu bëjë ballë plagëve.

Lajmin e ka konfirmuar Policia Rajonale në Ferizaj, me ç’rast ka bërë të ditur se shoferi i dyshuar është arrestuar.

“Një mashkull  kosovar (këmbësor), ka pësuar lëndime vdekjeprurëse pasi është qëlluar nga një veturë në lëvizje që drejtohej nga i dyshuari  kosovar. Me urdhër të prokurorit trupi i pajetë i viktimës është dërguar në obduksion, ndërsa i dyshuari është arrestuar dhe dërguar në mbajtje.”