Zjarr në një depo në Fushë Kosovë, policia jep detaje
Një zjarr i madh ka rënë në Fshatin Miradi të Fushë Kosovës, ku një objekt (depo) është përfshirë nga zjarri.
Rastin për IndeksOnline e kanë konfirmuar zëdhënësja e policisë për rajonin e Prishtinës, Flora Ahmeti.
Zjarri ishte i madh, Policia dhe zjarrfikësit kanë dal menjëherë në vendin e ngjarjes për të intervenuar.
Përveç dëmeve materiale nuk raportohet për persona të lënduar.
‘’Sot rreth orës 12:00, është raportuar se në fshatin Miradi të Fushë Kosovës, një objekt (depo) është përfshirë nga zjarri. Policia dhe zjarrfikësit menjëherë ka dalë në vendin e ngjarjes. Përveç dëmeve materiale nuk raportohet për persona të lënduar.’’ Ka thënë Ahmeti për IndeksOnline.
