Vrasje në tentativë në Mitrovicë

Gjuajtje me armë zjarri në drejtim të një personi ka pasur të mërkurën në mesnatë në Mitrovicë.

Policia njofton se si pasojë, dy persona ka marrë lëndime trupore ndërsa rasti është duke u hetuar si “vrasje në tentativë”.

“Mitrovicë / 10.07.2024-23:54.  Viktima mashkull kosovar ka pësuar lëndime pasi që dyshohet se dy të dyshuar kosovarë për shkak të një mosmarrëveshje të mëhershme, kanë shtënë me armë zjarri në drejtim të viktimës dhe pastaj të dyshuarit me veturë janë larguar në drejtim të panjohur. Lidhur me rastin viktima është dërguar për tretman mjekësor dhe sipas mjekëve kompetent gjendja e tij është stabile, ndërsa lëndime të lehta ka pësuar edhe viktima femër të cilës po ashtu i është ofruar tretman mjekësor.

Njësitet policore në vendin e ngjarjes kanë sekuestruar veturën e viktimës për ekzaminim, ndërkohë që lidhur me rastin është informuar dhe konsultuar edhe prokurori. Rasti duke u hetuar”, njofton PK.