Veshka e një derri, funksionale në trupin e njeriut më shumë se një muaj

Kirurgët amerikanë, të cilët e kanë transplantuar veshkën e modifikuar të një derri në trupin e një pacienti me tru të vdekur, kanë thënë se mërkurën se organi është duke punuar edhe pas 32 ditësh – hap i rëndësishëm në garën për ta luftuar mungesën e dhurimit të organeve.

Procedura e fundit eksperimentale është pjesë e një fushe kërkimi që synon t’i avancojë transplantimet mes krijesave të ndryshme, duke i përdorur trupat e njerëzve që janë dhuruar për qëllime shkencore.

Momentalisht në Shtetet e Bashkuara ekziston një listë prej 103.000 personave që presin për transplantim organesh, dhe prej tyre, 88.000 kanë nevojë për veshkë.