Vendosu flamurin kuqezi në Komunën e Preshevës, policia serbe merr në pyetje kryetarin

Kryetari i Preshevës, Shqiprim Arifi ka njoftuar se ka pranuar një ftesë për të u paraqitur në Gjykatën e Serbisë me pretendimet se ai ka shkelur ligjet e shtetit serb.

Kjo ftesë ka ardhur për shkak të vendosjes së flamurit kombëtar shqiptar në hapësirë publike, raporton Gazeta10.

Sipas tij, kjo e dëshmon mjaftë mirë diskriminim që Serbia ia bën shqiptarëve të Luginës.

‘’Sot kam pranuar një ftesë për paraqitje në Gjykatën e Serbisë, me arsyetimin se kemi shkelur ligjet e këtij shteti për faktin e vendosjes së flamurit kombëtar shqiptar në hapësirë publike. Kjo ftesë dëshmon edhe më shumë shkeljet dhe diskriminimin që Serbia ia bën shqiptarëve të Luginës, por, për flamur do të paguajmë gjithmonë.’’, ka shkruar ai.