Vdes njëri nga të aksidentuarit te rrethrrotullimi në Prishtinë

Ka vdekur njëri nga tre të lënduarit e aksidentit tek rrethrrotullimi në Prishtinë.

Lajmin për Klankosova e ka konfirmuar Shaqir Uka, shef i repartit të Mjekimit Intensiv.

Fatkeqësisht nuk ka mundur t’ju bëjë ballë pasojave të lëndimeve. I njëjti ka ndërruar jetë rreth orës 22:00”, tha Uka

Rreth orës 03:00 të mëngjesit të së hënës, ndodhi një aksident i rëndë.

Vetura e aksidentuar ra poshtë urës, me ç’rast tre persona u lënduan, e njëri nga ta rëndë.

Në vendin e ngjarjes ka shumë ekipe të policisë, ndihmës së parë dhe të zjarrfikësve.

“Dje rreth orës 03:00, në rrethrrotullimin në lagjen Lakrishte, në Prishtinë, ka ndodhur një aksident trafiku, ku është përfshirë një veturë. Si pasojë e aksidentit tre persona kanë pësuar lëndime trupore dhe të njëjtit janë dërguar për trajtimin e nevojshëm mjekësor”, thonë nga policia.

Policia thotë më tej se ka nisur një hetim për zbardhjen e shkaqeve të këtij vet aksidenti.

Dëshmitari ka thënë për Dukagjinin se është familjar i të aksidentuarve, në veturë ishte nipi i tij me nuse.