Ushtarët polakë të KFOR-it patrullojnë në veri për “të siguruar lirinë e lëvizjes”

Ushtarët polakë të KFOR-it, të caktuar në Komandën Rajonale në Lindje, kryen një patrullë rutinë në veri të Kosovës për, siç tha KFOR, të siguruar lirinë e lëvizjes dhe sigurinë e përgjithshme të zonës.

“Këto përpjekje janë pjesë e misionit të përditshëm të KFOR-it për të garantuar një mjedis të sigurt për të gjitha komunitetet që jetojnë në Kosovë”, tha KFOR.

Misioni i NATO-s në Kosovë përsëriti se vazhdon të zbatojë mandatin e tij – bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një mjedis të sigurt për të gjithë njerëzit dhe komunitetet që jetojnë në Kosovë dhe lirinë e lëvizjes, në çdo kohë dhe në mënyrë të paanshme.

KFOR-i punon në koordinim të ngushtë me Policinë e Kosovës dhe Misionin e Bashkimit Europian për Sundimin e Ligjit në Kosovë (EULEX) në rolet e tyre përkatëse si reagues të sigurisë.

Lexo edhe:  Hajnat e thyejnë shtëpinë e mërgimtarit në Fushë Kosovë, vjedhin orenditë e pajisjet e punës në vlerë të 25 mijë €