“U djeg bashkë me dokumentat, la pas një vajzë katër muajshe”, flet familjari i njërit prej mërgimtarëve që vdiqën në një aksident në Hungari

Një aksident i rëndë komunikacioni në Hungari ua mori jetën dy të rinjve kosovarë, njërit nga Prizreni dhe tjetrit nga Celina e Rahovecit.

Viktimat janë Kushtrim Hoxha dhe Jetmir Rexhepi se vetura në të cilën gjendeshin tashmë dy viktimat, si pasojë e aksidentit ka marrë flakë me ç’rast Jetmiri, i cili ishte dhëndri i Kushtrimit, është djegur bashkë me dokumentet e tij, kurse Kushtrimi ka vdekur gjatë rrugës për në spital.

Kushtrimi pas vetes ka lënë një vajzë katër muajshe, kurse Jetmir një djalë 1-vjeç.

Bashkimi një familjar i afërm ka folur për mediat vendore dhe ka thënë se kufomat janë ende në Hungari, dhe se nuk ka shumë informacione se si ka ndodhur aksidenti.

Ai tha se Kushtrimi dhe Jetmiri kanë qenë duke ardhur në Kosovë në kohën kur ka ndodhur aksidenti, ndërsa në Kosovë ka qenë duke i pritur djali i tij (i Bashkimit), bashkë me një grup studentësh nga Gjermania, për të bërë shëtitje nëpër vende historike në Shqipëri e Kosovë.