U arrestuan 6 veta të dyshuar për fajde në Prizren, policia jep detajet për aksionin e djeshëm

Policia e Kosovës sot ka dhënë detajet mbi operacionin që ka zhvilluar dje në në regjionin e Prizrenit dhe të Suharekës në gashtë lokacione të ndryshme ku janë arrestuar gjashtë persona të dyshuar për veprat penale të fajdesë dhe detyrimit.

Policia tha se të dyshuarit kanë arritur të përfitojnë në mënyrë të kundërligjshme nga viktima shuma të mëdha të parave si dhe prona të paluajtshme dhe të luajtshme si formë e interesit nga veprimtaria e fajdesë, vlera e të cilave kalon shumën mbi 1 milion euro.