“Të kam thënë të kesh kujdes nga Agim Bahtiri dhe Vjosa Osmani, sepse janë tradhtarë” – Halili i bën apel Albert Shabanit të kthehet në vendlindje, duke i siguruar qiranë e banesës

Biznesmeni dhe politikani Sokol Halili i ka bërë një thirrje publike Albert Shabanit, duke vënë në pah vlerat familjare dhe kontributin e prindit të tij, Fadil Shabani, ish-ushtar i hershëm i UÇK-së dhe pjesëmarrës në pajtimin e gjaqeve nën udhëheqjen e Anton Çetës

Në thirrjen e tij, pa asnjë kusht apo interes personal, Halili i bën apel Albert Shabanit që të kthehet në Skenderaj, duke i ofruar një banesë të mobiluar për tre vjet pa qira. Ai thekson se kjo ftesë vjen për shkak të lidhjes së tyre vendore dhe identitetit të përbashkët drenicas, duke shtuar se varfëria shpesh e shtyn njeriun në rrugë të vështira.
Halili sqaron se apeli i tij është vullnetar dhe pa asnjë kusht politik, duke theksuar se Shabani ka të drejtë të vazhdojë ta përkrahë Albin Kurtin. Ai shton se e respekton vullnetin qytetar, duke përmendur se 51 për qind e qytetarëve e mbështesin Kurtin dhe se ai nuk del kundër këtij vullneti.

Duke iu referuar bisedave të mëhershme me Albert dhe Fadil Shabanin, Halili deklaron se ka qenë pro përkrahjes së Albin Kurtit dhe Glauk Konjufcës, por ka shprehur rezerva ndaj Agim Bahtirit dhe Vjosa Osmanit, të cilët i quan të pabesë. Sipas tij, në Lëvizjen Vetëvendosje ekzistojnë vetëm dy liderë: Albin Kurti dhe Glauk Konjufca.

Në fund, Halili thekson se nga ky moment, Albert Shabani mund të vijë të marrë çelësat e banesës dhe të qëndrojnë së bashku në, siç e quan ai, Drenicën Heroike